Puisi Bahasa Jawa Atau Guguritan Wacana Tuntunan Agami Karya Isti Mukarromah Kebumen

Tuntunan Agami

Elinga para manungsa, manungsa gaweane Gusti
Tansah ngibadah marang Gusti
Rina wengi gemi nastiti, ngati-ati
Aja sira lena marang pepaese gebyare donya
Kauripan donya mung sawetara
Akherate kanggo saklawase
Dilereni maksiate kanggo amal akherate
Aja nganti ngenes tiwase
Suarga kebak nikmat
Neraka kebak laknat

Wudhu kanthi banyu suci
Gelar sajadah ing papan suci
Tutup aurat kanthi sandhangan suci
Al-Quran iku tuntunan agami
Kebagusane uga wis mesthi
Al-Qurane padha diwacani
Aja mung disimpen rapi
Sholat sakdurunge disholati
Njaluk ngapura sakdurunge dingapurani
Tobat sakdurunge kiamat
Nyedhaka marang Gusti
Mumpung durung ketekan pati

Puisi Bahasa Jawa atau Guguritan Tentang Tuntunan Agami Karya Isti Mukarromah Kebumen

Nabi Muhammad Rasul kang mulya
Minangka dadi panutan kita
Kanjeng Nabi wis ngendika
Ana hadits kanthi cetha
Ngluru ilmu diwajibna
Wiwit lair nganti seda
Kanca-kanca sing sregep ngaji
Supaya uripe ora rugi
Ora pandhang sugih lan mlarat
Ora pandhang nom lan tuwa
Mumpung urip padha ngajia
Aja nganti atimu peteng lan nista
Ayo muji Pangeran
Kang paring rahmat lan kenikmatan

Elinga para manungsa
Aja sira kandha
Yen Allah iku ora tresna
Mulyaning manungsa ora merga bandha donya
Nanging iman, Islam, ilmu agama
Iku kabeh ujian kanggo wong sing iman
Menawa sugih padha syukura
Menawa mlarat padha sabara

Karya : Isti Mukarromah, Kebumen

Sumber http://www.satubahasa.com